سلام الله سلام الشاعر الي مايهاب القاف=ولامن شاف قاف امع العرب للناس غنى به
ابي لي شاعرٍ يصبر ولايخشى من الميقاف=ولامنا بدينا فالمواقف يفتل اشنابه
الشويمان
اجي وآقول يا الشاعر هلا يا مرحباً آلآف=شرف للرعد صوته يسمعه عِشاق ترضى به
فهات اللي يدور براسك وبين ولامن خلاف=الى حد الطريق الموحش امشي فيه ما آهابه
فلاح المنشار
هلا بالشاعر الي بالمواقف مايجيه ارجاف=جميل القول مايغلط ودايم ياصل اصحابه
اعرّفك بحر ماينضب وعندك للعباد انصاف=ومثلك يوفي المكيال واحنا نحسب احسابه
الشويمان
رعاك الله يا اللي حول بحره تزرع الاعلاف=على خبرك صحيبك ما يحب الشين يطرا به
وانا عندي من الله خير وامشي بسكة الاسلاف=شيوخن بالعلوم الطيبه يا حيها لابه
افلاح
انا زراع واتفاخر وجدي هادن الاشراف=وكلٍ عارفين اصناعته ونحدد انسابه
اذا قصدك تعيرني وتحسبني من الاطراف=ففتش في قواميس العرب غندف مع شبابه
االشويمان
انا مانيب ثعلب ذيب يعوي ما رجع لإخلاف=يشوفك له فريسه ثم جاك مكشر انيابه
اشوفك تعرف جرابن وانا مانيب له عراف=تماطق مشتهي للعله اللي فيك نشابه
فلاح
اشوفك جيت لاوي الذيل خلف التل ماتنشاف=والا مني مسطتك تختبي في جحر وخرابه
تجيني منزوي وتهز لي ردفك مع الاكتاف= وتعوي من هجير القيض مالك عندي طبابه
الشويمان