اليوم قمرا قلت أروح النفودي=أكتب لي أبيات ٍ بعهد السعودي
عهد المليك اللي يحل القيودي=عبدالله اللي محتزم للمهمات
حاكم جزيرتنا خوي المناعير=الشعب يهتف له جميل التعابير
حكمه مروينا مزون المزابير=يوم ٍ غمر شعبه بجزل الكرامات
عشرين بند ٍخلت الشعب فرحان= ينسى المآسي والنكد ينسى الأحزان
من خادم البيتين خيره لنا حان=عمّ الجزيرة بهجة ٍ واحتفالات
أمر بأمره ياعسى الرب يحماه=شهرين بحساب المواطن وينصاه
وأمر بتوظيف المواطن ورقاه=يا الله تحفظه ياولي السموات
ويضا أمر تسديد بنك العقاري=قصدين للي ناوي ٍ للعماري
وزود قروضه في بنود القراري=جعل الولي يحماه رب البريات
ويضا أمر ترميم كل المساجد=من شان يلقى راحته كل ساجد
ويرتاح رجل ٍللولي دوم عابد=يذكره سبحانه جزيل العطيات
ومن غيرته للدين نسل الكراما=دعم حماة الدين أهل السلاما
أهل التقى والعلم قدر ومقاما=يبذل لهم وقته عليه السلامات
من سبهم بوساط كل الجرايد=يلقى العقوبة بالسجن والنكايد
نظام صارم محكم ٍ بالوكايد=من خادم البيتين عال المقامات
أنشأ أدارة رادعة للفسادي=مبداه رفع الدين دحر المعادي
تعز دين الله بكل اجتهادي=تحماه من شر النفوس المشقات
من خير جودك يامليك المحبين=أمرت تسديد لديون المساجين
اللي لهم مده شكوا واهج الدين=صاروا حرار ٍبعد طول المعانات
ويضى أمر بإنشاء عدّة مباني=للي شكا حال الفقر من زماني
أمر بتعجيله بليا تواني=من شان ينسى كل همّ ٍ وضيقات
ومن خيره أيضى راتب ٍ للعطالا=اللي لهم مده بليا انشغالا
حماه ربي من نفوس ٍ نذالا=ويجعل حياته كلبوها مسرات
ويضى الضمان اللي له الخير كله=هلت مزونه بالعطا مستهله
من خيره اللي عمنا ما نمله=ياالله تجعل له من الخير حسنات
أنشا مدن طبية ٍ للمشافي=عساه دايم طيب ٍ ومتعافي
يجزية رب البيت نعم المكافي=بأحسن جزاء يا مستجيب الدعوات
حنا فدالك يالمليك المفدا=الشعب بأمرك دايم ٍ مستعدا
حنا كعام ٍللعدوا لو تحدا=ناقف بوجهه بالسيوف الشطيرات
ياخادم البيتين شعبك يحبك=ناراٍ على منهو تجرى يسبك
ياليت من يملك دواكم وطبك=ونشوفكم دايم بخير وسلامات
في كلمته هلت دموعي على الخد=هيض خوافي خاطري بيّح السد
بسباب ما قاله وبينّ وحدد=نبي دعاكم بالخفى والصلوات
أبشر نبي ندعو وليّ المخاليق=يشفيك يا نسل الصقور الشواهيق
يجعل حياتك كلبوها توافيق=ويزيح عنكم كل هم ٍوضيقات
يا لله يا رحمن يا لله يا لله=ياللي جميع الخلق دايم برجواه
تشفي مليك الخير من كود ماجاه=هذا رجانا ياولي السموات