[كظيم]

عدّل مزاجي ولا بيّن مزاجاته=الله عليه ان تعـــديله يناسبني
ثقيل طبعه ويتمايل بخطواته=ينظر لي بنص طرف ولا يخاطبني
بين السما والبحر عينه ووجناته=وبُرق الاحداق لمعة برق ناهبني
كني اشوفه يفرّك في يديـاته=مشتت الفكـر سيبّني وصــاحبني
تكتيك مذهل ومحسوبه مسافاته=واخـاف لو طوّل وقصده يلاعبني
ياخوي سمّـار قلبي مـلّ لوعاته=هات النصيحه وسـددني وقاربني
اغـدّي الـذيب واعشيّـه بـ اوقاته=واتونس بصحبته وعـواه عاجبني
ما خفت غـدره ولا قد خفت بوقاته=واما الهوى حيل ياسمّار تاعبني
واللي سحرني بمواله وشيـلاته= من زود صـدّه تقول انه يحــاربني
ياليتني سُـكّره ذابت على اشفاته=والا علاقـة ذهب (,,,) يداعبني
سلام ياصاحبي ياقاري ابيــاته=النـاس للناس وارضى لو تعــاتبني