[الذيب الذيب]

السلام عليكم ورحمة الله وبركاته

قصيدة جديدة اضعها بين ايديكم عسى ان تحوز على رضاكم

اللي وطت رجله بجحر الحيايا =لو هو سلم من ذيك صادته ذية
الله من شيءٍ يدبر خفايا =بالكذب والبهتان مع سوء نية
فاحت قدورٍ من غثاها ملايا =من تحتها تشتب نارٍ لظية
ناسٍ لهم في كل مجلس حكايا =في كل دربٍ يسهجون المطية
ياكثر ما صاروا لهم من ضحايا = راحوا بهم مابين صبح و عشية
واللي جرا لي من كبار البلايا =ما تحمله صم الجبال القوية
كلمة خبيثٍ ملبدٍ بالخبايا =ويصدقه ذاك الغبي والغبية
سمٍ جرى مع دم هاك الشرايا =والعين صابتها سهوم وشظية
قامت توقد نار بين الحنايا =من حرها يا هون وقع المنية
من صغر سني ما عرفت الخزايا =يا كيف عقب الكبر تاتي خطية
لابد ما تظهر حقايق جلايا = تسطع كما شمس النهار الجلية
ياالله يالمعبود جزل العطايا = تفرج لعبدٍ حملوه القضية
ياجامع خلقه حفاةٍ عرايا = أحدٍ شقي واحد بعيشة هنية