السلام عليكم ،
عندما تأزمت حالة إبني / عبدالرحمن
بأحد المستشفيات دخلنا في جدل بيزنطي لمدة يومين مع الأطباء
بسبب تشخيص الحالة وتفاقمها ، نقلته إلى مستشفى آخر!
تم تشخيص حالته وعمل التحاليل وإجراء العملية خلال ثلاثين دقيقة ،
وبكيت كردة فعل لسرعة التجاوب و إنقاذه من موت محقق لولا عناية الله ،
وقد تفاعلت القريحة . وقلت
السلامة من الله
ألف لابأس يالدحمي وجعـله طهـور = أشكـر الله عـلى ماجاد بـه وأحـمـده
عقب ما كان موت ٍ يختلـج بالشعـور = قـدرة الله ، تجلت ، والأجـل مـدده
جعله آخر مصاب ٍ في حياتك يـزور = أدعي الله بظهـر الغـيـب لك وأنشـده
صارت المصلحة للناس دفـتر عـبور = واسطـتهـا تحـل الحـبـل مـا تـعـقــده
بدونها أقرب قريب ٍ لك بوصله يبور = وصاحبك عقب ذاك الود ، لك يجحده
اللي يدفـع بتخضع له صعاب الأمـور = واللي يمـنع بتـنزع مـنـه روح ولـده
وإلا، كل الخلايق موتهـم في النحـور = والسلامه مـن الله والشـفـاء في يــده
لو يـدوم العـمـر عـدة سنـيـن وشهـور = الـقـدر وارد ٍ مهـمـا الـدعـاء يـبـعـده
والدعاء لودفـع بلوى صغـارالشـرور = فالأجـل كايـن ٍ فـي حيـنـه و مـوعـده
دام الأقـلام رفعـت لين يـوم النـشـور = وجف مافي الصحايف والقضاء حـدده
فكل إنسـان له يـوم القيامة حـضـور = إما شاف التعاسـة و إلا شاف سـعـده
مودتي وتقديري
محمد بن عمار