نـكـار للمـعـروف يشـنـاك لـــو جـــاه
ابـعــد بـعـيـد ولـــو مــعــادي لـقـومــه
عقـلـه صغـيـرٍ مــا يحـسّـب لمـاطـاه
ينشر غسيله لو حرق فـي هدومـه
مـا ينومـن فــي ســر مهـمـا تنـاهـاه
لو هو يضره ماحسب وش سقومه
مهـفـةٍ فــي يـديــن جـاهــل وشـــرواه
مـمـن يحـسـب انـــه يـفــرج هـمـومـه
البـيـت لــه حـرمـه والاســرار مـبـنـاه
ولا من تفشت طاحت اعلا رسومـه
عليك باللـي كالحصـن يـوم تنصـاه
ذراك يـــوم الـوقــت يـنـفـث سـمـومـه
ولا تنـخـدع بـالأصـل فالـعـرق تـــواه
فـالـلـي تـظـنـه صـقــر تـلـقـاه بـومــه
ولا تقرب اللي المصلحه دوم مبداه
يبـيـع خـلـه لــو لـقـى مـــن يـسـومـه
ركز على اللـي تعرفـه كيـف منشـاه
وشلون عايـش بيـن اهـل وعمومـه
مـاشٍ يعيـبـه ويــن مـاكـان ممـشـاه
عـن قلـب دينـه ماسـكٍ فـي سلومـه
عزالله انك صادق والقصيده كلها تزخر بالحكم القيمه
الف الف مليون مليون صح السانك يابو عبدالله
وعلا شانك
قصيده دره من الدرر
تحيتي وتقديري