[نفحة الطيب]

المشاركة الأصلية كتبت بواسطة محمد بن عمار

السلام عليكم
مشاركة خاطفة مجرد
همهمه بيني وبين نفسي

شريت بالجملة

ياللي نتلت القلب ، بين المعاليق = نتل الرشا ، والدلو ، أقفا بساقه
عليك يرجف مثل رجف المخافيق = في كف مدعوج الرموش الدقاقه
يوم العرب للعرف ، باعوا تفاريق = شريت بالجملة ، وصنت العلاقة
على النقاء ما فيه شبهة مطافيق = مبرم بحبل الله ، ومحكم وثاقه
وبنيت لك بيت ٍ ، بكل الملاحيق = أطنابه ضلوعي وصدري رواقه
وترى صديق اليوم حظ وتوافيق = يدري به العاقل وراعي الحماقه
أحد ٍ يصون الود ، وكل المواثيق = ويسعدك ، لوشوفه يجي بالشفاقه
وأحد ٍ بكبدك مثل وسم المطاريق = يكويك ، بالضحكة ، وكثرة نفاقه

مودتي لشموخكم

محمدبن عمار

روعه وجميل ماكتبت
ابداع واصل السماء
صح لسانك واعتلى شانك
وحفظك الرحمن من كل سووووء