[نفحة الطيب]

المشاركة الأصلية كتبت بواسطة داعي الشوق

آمر تدلل و اطلب اللي تريده = انا و قلبي كل ما به حلالك
يا بهجة انسام الصباح السعيده = يا نوره البادي بلمحة جمالك
يا نبضة هيام الوداد ووريده = يا غاية اللي ما يدور بدالك
فيك الحسن و الذوق حاله فريده = يا منيتي ياللي سحرني دلالك
اشواقي اللي من غلاكم شديده = ما غاب عنها لو ثواني خيالك
دايم لهبها في فوادي وقيده = ما تنطفي يا زين كود بوصالك
بدعت من شانك بيوت القصيده = طرزتها بانغام قلبٍ شكى لك
يشكي معاناة الليال العنيده = ما ذاق صافيها على حد جالك
كل ما يراضيها بصفحه جديده = ترميه في جوف الشقا و المهالك
هذي حكاية حالي اللي اكيده = يا ناهبٍ عقلي و قلبي لحالك

روعه وجميل ماكتبت
ابداع واصل السماء
صح لسانك واعتلى شانك
وحفظك الرحمن من كل سووووء