بسم الله الرحمن الرحيم ..
صبحكم الله بالخيرات ،،
.. أكرمنا ربي سبحانه بزيارة بيته العتيق قبل أيام ، والرحلة لاتوصف حقيقة ، أسأل الله القبول ..
أبيات كتبتها ونحن في طريقنا لمكة ، لعلها تحوز على رضاكم ..
جيناك يامكة وفينا خطايا=نبي العفو يارب من كل تقصير
نبي العفويارب فينا رزايا=نحمل ذنوبٍ مالها أي تبرير
جمر المعاصي صابنا بالشظايا=العين تبكي والجسد فيه تعزير
نهيم بالدنيا رجول ومطايا=قليل من يحسِب لقبره تفاكير
يانفس توبي واتركي هالسوايا=خوفي من اللي خالقك وافعلي خير
لابد ماتلفي عليك المنايا=ماتنفعك يانفس جلب المعاذير
يارب ياغافر ذنوب البغايا=اللي سقت كلبٍ ضعيفٍ من البير
المغفرة ياربِ أكبر رجايا=تغفر ذنوبي يوم كشف المساتير
عذراً على القصور
وسلامتكم ...