اسعد الله جميع اوقاتكم بكل الخير
يامدعي بالحب بانت نواياك=الله كشف لي سرك اللي تخفيه
سوداليالي بينت لي خفاياك=عرفت من غيري توده وتغليه
انت الذي طسيت عينك بيمناك=وكل على ماقيل عقله يقديه
ابتركك تسبح بجهلك وعمياك=من باعني بالرخص والله ماشريه
مسحت من قلبي غرامك وذكراك=طيب معك سويت ماني مطريه
لابد من يوم يجي فيه وانساك=والوقت متكلف بجرحي يشافيه
والقى العوض في شخص غيرك ويسواك=شخص يداريني بعطفه واداريه