ياوجـد حالـي يـوم شـفـت الشـواصـي
مثـل الفهـود الضاريـة فــوق مـرقـاب
لاشفت أنـا الشيصـان زاد اختباصـي
واقعـد علـى حيـلـي وافـتّـل بالاشـنـاب
ياجعـل مـن صمْمْـه يلقـى الخلاصـي
مـن يـومٍ أســود والـقـدم قـارصـة داب
يعشق هل المكشات واهل المعاصي
واهـل المطايـا تعشقـه عشـق غـلاب
لامـن نطحتـه ثــار مـثـل الرصـاصـي
فزته طب اللي من الشـوق منصـاب
طـرد القَنَـصْ والبـر هـو اختصـاصـي
هـو سلوتـي ومنـاي والكيـف لاطــاب
يالله يــالــلـــي مـالــغــيــرك مــنــاصـــي
يـافـزعــة الـمـظـلـوم لاســـــدوا الــبـــاب
تــرزق شـفـوقٍ منـفـتـن بالـشـواصـي
وان ماحصل فالعافيـة عـز الأكسـاب
تميز في الإبداع
وجزله من راس جزل
صح لسانك
ولاهنت
تحيتي واحترامي