االجديد بعد العيد ولقصيده تعبر عما فيها
الصاحب اللي يقدرنـي الا جيتـه=ويثمن زيارتي لـه والتعنّـا لـه
يرفع مقامي الا جيته وسط بيتـه=زودٍ على طيب راسه يوصي عياله
وان كان ماهو كذا والله ولو صيته=مع الطراشين يذكر طيبـه والـه
لاصد منه ولـو بالـود طشيتـه=واروح في سكتي ويروح في فالـه
وان مات لو ابكي العدوان مابكِيته =ماهو خساره علي فقده ولا حاله
ولاصار بيته على دربي تعديته = للي علوم المراجل دايم افباله
اللي عليه القدم بالسيرلاحفيته = يستاهل اني امره واعرف احواله
ان جيته الصبح والا الليل مسيته = الطيب ساسه ومغراسه ويهناله
ومادام راسي يشم النود عذِيته=من رفقة اللاش واللي خايبٍ خالِه
وارفع مقامي من اللي هابيٍ بيته = واشوم للقرم واترك راعي القاله