[انكسارات النخيل]

حينما يرحلون يكون فقدهم أكبر من قوة تحملنا فيقلنا الحزن والحنين اليهم
اللهم إرحم والدتي وأسكنها فسيح جناتك

(يمه رحيلك هدني)

الله من همٍ يزلزل مهجتي منه إنكويت=بين الضلوع العوج كم من ضيقةٍ كنيتها
أحاول أنسى بلوتي وأصبر ولكن ماقويت=كم علةٍ بأقصا الحشا غصبٍ علي داريتها
الحزن طوقني وأنا من حر مابي ماشكيت=ومن هو بيوحي شكوتي لو شكوتي بديتها
أقول مرتاحه وأنا ماشفت راحه وإن حكيت=أخاف يذبحني الندم من كلمةٍ حنْيتها
اللي توسع خاطري لاضقت ولا لابكيت=راحت وأنا من فقدها كم ونةٍ ونيتها
يمه رحيلك هدني يمه ولابعدك سليت=يالله تروف بحالتي لامن دخلت لبيتها
من هو بينشدني عن أشعاري وأخر ماقريت=تيتمت حتى الحروف اللي معك عديتها
ياذا الحمام اللي لعى كانك من الفرقا شقيت=شفني من أسباب الفقد كم ضيقةٍ ضميتها
البعد والغربة وفقد اللي لها الخفاق بيت=فتق جروحٍ بالصبر والعزم كم داويتها
والله من حزنٍ يهد الحيل من حره إنكويت=بين الضلوع العوج كم من ضيقةٍ كنيتها

الشاعرة/إنكسارات النخيل(ظبية غانم المهندي)ألمانيا/7/12/2012