لايازمان اهل الردى والجهالات=عم الفساد وصاحب الرشوه مشهور
اللي يسمي مال رشوه عمولات=واللي على اموال المساكين مسعور
شوف اختلاف السعر بين البقالات=مابه حسيب ولا رقيبِ على الفور
والا العماله السايبه فالمحلات =من كل جنس وفوج ياجيك مقهور
تكالبت كل الامم والسلالات = ضاع المواطن بين جايز ومحضور
متقفله دونه جميع المجالات=صار احتكار وكل مخلوق مقهور
سيف العداله كل بين المحالات=وصارو التجار ماهر وممهور
والله لو ينفع كثير الرسالات=لارسلت لاهل العقد معروض والشور
لكنه الانسان يطغى بحالات=لامنه استغنى ومثل له الدور
حسبي على موبايلي واتصالات=ارتاح ساع وساعه الخط موتور