دخلت سوق المجد في عصر الاثنين=قصدي تسوق والغزل ماطرالي
جوله قصيره في كبار الدكاكين=والسوق زحمه بالنساء والرجالي
ناضرت بعيوني على ايسار ويمين=وقزت عيوني بالنظر فالموالي
شئياًعجيب(ن) مارأيته من اسنين=مدري حقيقه صح والا خيالي
ريم(ن) عليها عين تذبح ملايين=سبحان منهو صوره بالجمالي
ذكرني اللي كنت ناسيه عامين=الصاحب اللي كامل(ن) بالكمالي
قلت اكتب اشعوري على الجيم والسين=واخذ مع الافكار معها مجالي
واراقبه فالسوق مثل المجانين=مجنون والمجنون ماله سوالي
دمعه على خده تحدر من العين=ماله حلول(ن) في صدوف الليالي
وانا سواته ماعرفت القوانين=محتار اصفق باليمين وشمالي
لاعاد سوق(ن) جيته اليوم ياحسين=السوق سوق المجد سبب هبالي