[ابراهيم غضيان الشراري]

قلبن يحبك حب يازين خاوه = ترا ابتسامة شوق منك تكفيه
وأرحم حبيبك من دروب الشقاوه = يكفيه مات من الغلا لاتشقيه
الجرح ينزف ياهوى البال داوه = دامك سبايب علته لاتخليه
خاف الله بقلبي وخل القساوه = لاتعذب القلب الجريح وتعنيه
أحلم بيوم القى بطبعك هداوه = ولا أبتسامة شوق قلبي تهنيه
لكن أسلوبك صار كله عداوه = وقلبن يحبك حب بالنار تكويه
طبعي وطبعك من طبوع البداوه = ولا أنت غيرك التطبع بما فيه
أما أنت في درب العشاشيق ساوه = ولا أبا أنعى موت حبك ولا ابكيه
=الشاعر/ إبراهيم بن غضيان الشراري