[الطائر المهاجر]

وش نرتجي من دولة قامت على دم الهنود= يوم استحلّت ارضهم ما حصلوا عون ونصير
وش لون نعجب لا وجدناها تناصر لليهود = والكل منهم مجرم وقاتل ولا عنده ضمير
دوله على الإرهاب قامت كيف تحترم العهود= وشلون تحيا دون تعلن للحروب وللنفير
في كل ارضٍ تمتلك اسطول وسلاح وجنود = حتى الفضاء باقمارها ترصد سواليف الضرير
اطماعها ما تنحصر باية مسافه او حدود = تخلق عذر ما ينطلي إلا على العقل الصغير
لاجل الصهاين تندفع بالفعل ماتعلن سدود=وتضرب شعوبٍ في بعضها شان تكسب بالأخير
كم انخدع من شعب فيها يوم يسمع للوعود= ولمع الشعارات الكذوبه في متاهتها يسير
واية حكومه ما تطاوعها تخطط في ركود = حتى تؤلب شعبها يقوم يهدر كالبعير
توصل له سلاحٍ وتدعم ثورته باقصى الجهود= وتفرح اذا شافت قتيلٍ او مشرد او اسير
وتضمن مصانعها تدور بارباح ترجع لليهود= تنتج سلاح تقتتل فيه الشعوب بلا بصير
تمتص ثروات الشعوب الخاضعه ببلا قيود= وتبني مع اسرائيل قوه ما ينافسها نظير
تحكم جميع الكون بالنيران ما تلقى صمود= كل يسبح بامرها خوفٍ من البطش الحقير
هذي حقيقة دولةٍ بالدم قامت واللحود= شذاذ افاق بنوا دوله بلا دين وضمير
من يرتجيها جاهلٍ لو هو على ارضه يسود= ياسرع مايحرق مثل غيره ولا يلقى نصير