يالله ياللي عزنا في وطنا = ياللي رزقت الخلق الانسي وجني
ياعالم الاسرار هذا زمنا= فيه الحضاره زيفها قد فتني
ساس الحضاره فوقها اليوم حنا=واقبل بزيف حضارته وامتحني
واقلبي اللي من هوى الزين حنا=خصوص عقب العصر والليل جني
اللي لبس للود من كل فنا =خصره شبيه الخيزران امتثني
قولو له ان الهجر عقبه طعنا=ليته يحن ويقترب حيل مني
والا فما بالوقت للقلب منا =الا صدى الذكرى ودرب التجني
الوقت هذا فيه ستين ضنا=وانا مع الاصحاب قد خاب ضني
اللي بوقت الحاجه ماسال عنا=واليا نصيته للخلى هج عني
هذا هم اهل الوقت يامتهمنا=مافيهم الا كل جاحد وعني
اما انت ياقلبي فعزك وطنا = دار الكرام وحبها من سكني