[بنت النور]

لا ضـاق صــدرك مــن الدنـيـا ومــا فيـهـا
اصبـر تـرى الله وعـد مـن يصبـر الجنّـه
لـــو كـشّــرت يـــوم درب الـسـعــد قـافـيـهـا
ولو ضحكت بيوم تبكي من ضحك سنّه
دنـيـاك يـــا صـاحـبـي وان كـنــت مغلـيـهـا
مــحــدٍ يـعـمّــر بــهــا مــــن انــســه وجــنّـــه
لابـــد عــــن يــــوم درب الـغـيــر مـاشـيـهـا
ترحـل مثـل مـن رحــل فالـمـوت مــا عـنّـه
هـــذي "خـويـنــه" تـغـنّــج فــــي خـطـاويـهـا
يـغــريــك خـلـخـالـهـا بـالــرجــل لـــــه رنّــــــه
فـي طرفـهـا السـحـر يـغـوي مــن يلاقيـهـا
كم من فتىٍ ضيّعـت .. طقّـت لـه الشنّـه
مـــن كـــان يـبـغـي تـجــي لـــه لا ينـاديـهـا
مــثــل الـنـســاء طـبـعـهـن لابـــــد يـشـقـنّــه
مـزاجــهــا تــاخـــذ الــلـــي مـــــن نـقـاويــهــا
والـلــي يبـيـهـا تـخـيّـب فـــي الــمــلا ظــنّــه
ومــن كــان يمـشـي وعـيـن الله يراعـيـهـا
حـــــرٍّ اصــيـــلٍ عــلـــى مـــبـــداه والــســنّــه
تـاطــاه فـالـوقـت وقـــت ابـلـيـس داعـيـهــا
يـــــذوق كـــــاسٍ لــيـــال الـقــهــر يـسـقـنّــه
دام الـحـصـانـي تــلاعــب فـــــي مـفـالـيـهـا
والــذيــب جــايــع وهــــن والــوقــت يـرهـنّــه
والـبــوم فـــي غصـنـهـا نــوحــه غـنـاويـهـا
والـــحـــرّ مــنــتــوف بـــالامــــرار يـصــلــنّــه
احــــدٍ يـلـبّــس ثــيــابٍ مـــــا تــعـــب فـيــهــا
لــــو هــــي طـويـلــه مـخـابـيـهـن يـشـيـلـنّـه
لـو هـو خمـع فــي طـريـقٍ كــان ماشيـهـا
عـورتـه لـــو تنـكـشـف فالـخـضـر غـطّـنّـه
والــــلــــي ثــيـــابـــه يـغـسّــلــهــا ويــكــويــهــا
مـــع مـــرّ الايــــام تـقـصــر مــــا يـسـتـرنّـه
لــو هــو بـغـى يـرقـع الـلـي فــي خوافـيـهـا
لابـــــدّ مـــــا يــضــبــط الإدغــــــام والــغــنّــه
يـكـذب ، ينـافـق ، ودرب الــذل يشريـهـا
ومـن دونهـا خاسـرٍ فـي الحكـم او صنّـه
يــالــعــنــبــوهــا ثــــــيــــــابٍ ذي تـــوالـــيـــهـــا
لــو تـسـتـر الـجـسـم قـلــب الـحــر يـكـونّـه
فصـخـتـهـا مــــا غــــدا جـسـمــي يـدانـيـهــا
رزقـي علـى مـن عـطـى خلـقـه بــلا مـنّـه