[احمد الكثيري]

السلام عليكم ورحمة الله وبركاته
اخواني واخواتي رود هذا الصرح الشامخ
كل عام والجميع بخير
اضع بين يديكم هذه المتواضعه اتمنى ان
تنال اعجابكم وفقكم الله تعالى

العيد ماهو حلاوه ولبس ثوب ن جديد = ولاهو بضحكه وفرحه وسالفه يارجال
العيد فيه التسامح آمر ربي المجيد = والرحم لاتقطعونه كلنا للزوال
كثر الجفاء والقطيعه والحسد مايفيد = اسمح لو ان الخطا يارجل بكبر الجبال
مادام ما ترفع الاعمال وش تستفيد = من دون تسمح فعيدك صار مثل الخبال
ان كان لازال شيطانك قوي عنيد = فليا تعوذت زال الهم لو انه ثقال
خلك مع من يطيع الله ورايك سديد = لاتخسر اخوك وجدادك وعمن وخال
الخير وده لمن حولك ولو من بعيد = الرزق ينساق لك من ربنا لامحال
حاول في الصلح بين الناس خلك رشيد = لا لا تحلل حرام ولا تحرم حلال
للاخره اعمل وجاهد خل عندك رصيد = لا تستمع في كلام الناس وفلان قال
مني نصيحة تسطر في بيوت القصيد= خلك مع اللي خلقنا دايم(ن) بتصال
ماعاد به وقت واكرر ولا اشرح وعيد= أنتم هل العرف وهل الرحم وهل الوصال