فكاهيه ذات روح ومعنى:-
بنشدك يامنصور عن نجمة سهيل = مدري عليها عج واللا سحابه(الشعلان
البارحة بانت ورحنا مهابيل = واليوم كلٍ ضايقٍ من ثيابه(الشعلان
والله مدري عنها مير بالقيل = اللي نشوفه مثلكم بالتشابه(الطامي
لاكن على ماقيل قم اسرج الخيل = واحذر تعجل ثم تبين الحرابه(الطامي
خلك مناوش من بعيد ولا تكيل = لين الزبون ايجيك يدرج لعابه(الطامي
راقب طلوع سهيل بعد التعاليل = هي نجمته والا عليك اتشابه(الطامي
ماكل نجم لاطلع يحري بسيل = بعض النجم عظم قليل العشاء به(الطامي
منتاب يالطامي كراع ولاذيل=شيخ الشيوخ وكاسب للمهابه(الطائر
لكن ابن شعلان اعطاك تدبيل= ولعب بفكرك مثل لعب الكعابه(الطائر
ماني صغير له ولا لك مهيبيل = انا حصان وكل دربي مهابه(الطامي
مير انت يادكتور نيتك تحويل = وكل على نيته يجيك مابه(الطامي
وجهاد ابن شعلان ينشد باقاويل = نيته واحنا عارفين السبابه(الطامي
من جاك صايح قم معه واكثر الكيل = والذنب للمخلوق ياخذ حسابه(الطامي