ياصاحب المبداء ترى الحلم رجال= اذا ذبحت الحلم راحت رجولة
راح الزمن في ما مضاله من افعال= وكلن على ماقيل نوخ ذلوله
هذا زمن (من له حيله فيحتال)= عادي ترى والنفس ماهي خجولة
ياما عليها الارض من زود الاحمال= ياهي تحمل شي ماحد(ن) يطوله
بعض البشر يحتاج له ضربة اعقال= نقص(ن) على الدنيا بعرضه وطوله
وبعض البشر متكبر(ن) كنه جبال= ودك تصطر خشته في نعوله
وبعض الرجال من النعومة بيختال= ودك يلبس طرحة(ن) مثل خوله*
وبعض البشر بالبخل يضرب بالامثال= اذا طلبته شي قفى بزوله
وبعض البشر لاضقت وقف ولك قال= ضيقتك هذي هينات(ن) حلوله
تبي وجاهة فيه والا تبي مال= بس لاتضيق بشي يابن الحموله
هذا هو اللي لاتمنيت رجال= يسد بالدنيا بعرضه وطوله