قلت وينك ... غايبٍ يابن الحلالْ=ياعريب الساس من عمٍ وخالْ
هو جفا .. ولاغلا .. ولاظروف=هوزعل .. ولامشاغل.. وإنشغالْ ؟
منتظر كل يوم أقول .. اليوم جاي=وإنتظاري زاد عن حده.. وطالْ
غيبتك طالت .. وكنك مستريح !=كلما زدت الجفا .. زدنا وصالْ
(ابو طلال ) ياشمعة ( البيت ) وضواه=ياخفيف الظل ... ياحلو المقالْ
مجلس ٍ فيه .. إنت عزالله كبير=مايضم من الرجال .. إلا الرجالْ
مايملونك .. ولو قمت وسريت=قبل لاتسري .. ينادونك تعالْ
بيننا يامسندي شعر وشعور=بيننا بالمختصر واوٍ .. ودالْ
إبتسم ثم قال ياصبري .. عليك=لوسمحت شوي بسْ عطني مجالْ
أحمدالله وأشكره .. وأثني عليه=العزيز اللي .. ترفع بالكمالْ
غيبتي ماهي جفا .. ولا غناة=أو تغلي مثل ماقلت .. ودلال ْ
قلت له طيب .. أجل ليه الغياب=قال أبشرك جاب لي ربك ( ليالْ)