يا زيــد شب النار وأدن المعاميل=والبن الأشـــــــقر قدمة في الدلالي
وسوقة ليا صكو عليك الرياجيل =وحســــن النبأ ميزة كريم السبالي
وذبح لهم يازيد من عقر الحيل =وقدم لضيــــــفك كل غالي وغالي
يازيد لاتتبع قليل المحاصيل =ســـــــــوالفة تفقع كبود الجمالي
لا ترافق أهل القال يازيد والقيل=اللي علـــــومه في البنات الغوالي
خلك مرافق كل صنديد حلحيل =واعرض عن أهل المهزلة والدلالي
خلك مع أهل الكيف والسيف والخيل=وصلي الصلاة وصوم يا ابن الحلالي
واوصيك صل و صل في تالي الليل=وارفــــع يدينك للســـــماء بابتهالي
والعلـــــــــم رفعة للرجال المشاكيل=والحق قــــــول الحـق وحـذر تبالي