في السنة عيدين وانت لخافقي ثالث عَيَاده=الله يهنيك في عيدك ويرعاك ويصونك
جعل عيني ما تشوفك غير في ثوب السعاده=تغمرك بافراحها وأقرا خبرها في عيونك
كل شيء في حياتي زين زينته زيـــاده=والجروح اللي من طعونك شفاها من طعونك
كانت العيشة قبل عرفك غرابيل ونكاده= والحياة الله يحفظك مالها قيمة بدونك
ما يلحفني لحاف ولا توسدني وســــاده= كل ما غيبتك الأيام وشغلتك شطونك
انت لاحزاني ولهمومي طبيب في عياده= بالغلا تغرقني امواجك ويجرحني سكونك