اقتباس:
غثيت قلبـي يـا الحمـام الشـادي
***وش لك على همي تجر الحونه
رجيت ما بيـن الضلـوع فـوادي
***يقضت جمر خامد مـن بونـه
ذكرني بحب الصبـا فـي بـلادي
***رجعنتي عمر أنتهى بشجونـه
واللي تركني في ضفـاف الـوادي
***قفى وأنا بعده أجاسي طعونـه
لوهب من صوبـه هبـوب النـادي
.***أسال عنه ريح الصبا وش لونه
وش لون ذاك اللي هجرنـا غـادي
.***يا عل داره بالعشب مزفونـه
روحي وقلبـي والحشـا وفـوادي
***فدوه لأجل خاطر جمال عيونه
أبـو خديـد فـي وجنـتـه ورادي
.***الموت الأحمر بالهذب وجفونه
بفراقهـم عشـت العمـر بأنكـادي
***بقلب (ن) جريح ومهجةٍ مغبونه
يغفـي المريـح بتكيـه ووسـادي
.***وأسهر وليلي بي يجن جنونـه
كـل الأماكـن معلنـات أحـدادي
***عمية المساكن مظلمة من دونه
حتى الدروب اللي مشاهـا تنـادي
.***وينه حبيب كان لك يطرونـه
وألقى خيالـه واقـف بمرصـادي
*** وأذكره وأرجع وأجر الحونـه
وأصبح على صوت الحمام الشـادي
.*** وأمسي وعيني بالدمع مهتونه
|
الله الله الله.......................... ....عليك اخى عبد العزيز
قصيدتك راااائعة بكل المعانى والاحاسيس الموجودة بها
تسلم لنا اناملك اخى المبدع
ودمت ولا هنت
اختك فى الله كريمة