حادي بادي كرنب زبادي
حادي بادي كرنب زبادي
سيدي محمد اللي فاضي
قاعد كده على القهوة وراضى
شرب الدخان يبقى هوايته
لون صدره بالرمادي
قول دانا صاحبك إيه هو رأيك
خاليك مرة مش حيادي
برضه لسه مقالش حاجه
حط مشاعره في التلاجة
اصحى يا راجل كده بزيادة
متشمت ش فينا الأعادي
فيقول مش لاقى حاجة أعملها
الدنيا في وشى بتقفلها
قلت دماغي لازم أعدلها
ومفيش معسل في النوادي
انت كده يا حبيبي تقلبها
وبتتعِبها وبتخربها
وحتبقى أحسن لما تسيبها
وأتباهى بيك قدام ولادي
ياصاحبى هو ده بس مرادي
انك تعرف قد إيه
فيه مشاكل في النحيادى
ليك ولينا فى القعدادى
اختار بسرعة يا ابن بلادي
بس يا ريت تختار من غير
حادي بادي كرنب زبادي