[ابومياس]

المشاركة الأصلية كتبت بواسطة أم زياد

1

والله هذا السن كنت أجي من المدرسة أحل الواجب بس مو دايم وبعدين أساعد أمي خاصة بعد العصر
أمسك المطبخ وهذا من زود اللقافة لحد ما إكتشفت أمي إني ماااااااااااااااااااهرة بالتنظيف والترتيب
وصارت توكل لي مهام كثيرة منها عصر الغسيل (وهذي إنا نستمتع فيها تعرفون الغسالة أم عصارة القديمة )
والله كم مرررة قرطتني خخخخخخخخخخخخخ ثم نروح ننشر أخوي يسحب الحبل عشان أطوله وأعلق الملابس وإنا نطامر من الرمضاء هههههههههههههههههههه<<<<<ماعند ها وقت تلبس شبشب لكن أخوي
هذا مايطيح الشبشب من رجوله شوي وينام فيه
ويوم وصلت 12 سنة بدت أمي تعلمني الطبخ كانت تقول يالله روحي سوي الغداء وتتركني بالمطبخ على كيفي وأي سؤال أروح لها في الصالة وتحاول إنها ما تدخل المطبخ أبد وأنا فيه إلا إذا أشكل شي صعب وهذا نادراً في البداية وبعدين خلاص بس هذا كله لما يكون أبوي مو موجود
يكون معزوم على الغداء وهذي صفة عند أمي الله يرحمها البنت إذا وصلت سن 12 سنة دزتها في المطبخ
لكن وأنا عمري تسع وعشر سنوات كنت أغسل جميع الملابس وأنشر للعائلة الكريمة ومطلوب مني غسيل مواعين وكنس ومسح البيت كل يوم وترتيب غرفتنا أنا وأخواني وتنظيف دورات المياه والله كنت متحملة فوق طاقتي
وبالنسبة لي أنا أنجح خواتي بالشغل والطبخ وماصار عمري 15 إلاوأنا أطبخ الذبيحة





ما أدري أحس إنا أول أحسن من الآن ربما لأنو حتى العابنا زمان كانت تستدعي المشاركة بين كذا شخص
أما اليوم البلاي ستيشن كل واحد لحاله تقول فيه جرب وأطفال هالوقت تغلب عليه الأنانية والإتكالية
لكن ليس الكل بالنسبة لي ولأهلي كل واحد مكلف بأعمال في المنزل حتى وإن وجدت الخادمة


أغلب البيوت تأثرت بالمجتمع الخارجي وهنا تكمن الإشكالية إن البلا في الأهل فلو إنهم ربو أولادهم مثل ما ربوهم أهلهم وما ركضوا ورى المظاهروالتي هي السبب في فساد الكثير في المجتمع وغيره من الأمور
لما رأينا ما نراه الآن

ومشكوووووووور أبو ميووووووووسة على الموضوع الرااااااااااااااائع والراااااااااااااااااااااايق
لأنه في مثل هذه الموااقف ينبسط الواحد لما يتذكر طفولة ترفع الراس

ماشاء الله يبارك الرحمن عيني عليك باردة

هلا والله بام الزوز

جيتي على المهم على خلاصة الشي تطرقتي

لامور لايفعلها الان الا الكبار

من غسيل وطبخ ونفخ

بس تقولين لي اطامر من الرمضاء وبدون شباشب ادري والله بلاك من الشر

اللي كان براسك والعجلة اللي فيك ماغير تطاردين عيال الحارة وتصطرينهم

والشباشب يصيرون لك عائق امام السرعة 0


ياسلام عليك يالغالية الف شكر على تواجدك الرائع
دمتي بخير