*
بعد غياب له ظروفه الخاصه .. القسريه ... أعود لكم بهذه المتواضعه .. راجيا قبولها .
*
تخيل لو تفارقنا وكل ٍ راح في حـاله=وبعد مده تقابلنا وش اللي يـطــري فـ بــالك ؟؟
أنا بتشوفني ضايع غريب ٍ تـعــْــبت أحواله=وأبيك تقول من بعدي أمــانه كيفـها أحــوالك .؟؟
ترى من غبت عن عيني فلاني ياالغـلا دالـه=أحاتيـهـا الشـمـاته وشـفـتـها بعـيــون عـــذالــك
همومي صارت فـ بعدك علي ْ يامنيتي عاله=وانا ادري مـاتـروح هـمـوم قـلـبــي غـير بقـبالك
هو غياب وقلب جوي وخلا ّ حالتي حاله=أجل لوهو فراق شلون أبحيا بغــيـره وصــالك ..؟؟
حبيبك دايما تبقى ورب البيت في باله=يبيك تكون مــثــله دايـــما يـبــقــى عـلى بـالك
يقولون العـرب منهو تولع فـي حصى شاله=وش يسوي أجل منهـو تــولـع بـــك ولا شــالــك
أثاريها المحبه يالطيف الروح قـتـالـه=مصيبتها تـْـخـليك تـْعـشـق مــن كـــان قــتــّـالك
أنا هذا شعوري في غيابك جاري إرساله=أبي يستقــبــله قـلــبك قـــبل ياصـــل لجـــوالك
وابي منـّك بعد شرح ٍ مفصل يشرح الحاله=عن أوضاعك بعد ماغبت عنـّـك كيفـــها حـالـك ؟
تعـال إشتـقـت لك واللي حمدناه وسجدنالـه=أمانه ماتحـس بـطــيـفـي بـدنـيـاك يبرالـك ؟؟
*
مبارك نايف أبوظهير