وين انت يالي تفرق البيض والسود
باللي تميز نظرتك بيـن الاضـداد
رايك يكفيني عن النقـص والـزود
ويزيدني حكمه وتوجيـه وارشـاد
العذر منك ومن سلايل هل الجـود
اللي لهم في قمـه المجـد ميـراد
واللي يحط حـدود ويغيـر حـدود
اليوم وسط بـلاد والصبـح ببـلاد
مايستمر امـره ولايمكـن يسـود
لو قالوا انه في العرب راعي شداد
قد قالها لي شايبـاّ ينطـح الكـود
رايـه يقيـد تايـه الـراي بقيـاد
وانا بعد ماني على الوضع محـدود
ماعاد لي ياطيب السـاس مقعـاد
واختامها ماذعذعـت ذاري النـود
سلام يبراله شذى المسـك والكـاد
صح لسانك
قصيده رائعه بالرغم من خصوصيتها وذهاب نصف المعنى في بطن الشاعر
الا ان الابداع كاملاً ظهر جلياً أمام اعيننا عندما شاهدنا هذا النص الراقي
تقبل مروري واعجابي بالقصيده وشاعرها
تحياتي ومودتي