مارس الدبكة علـى هيئـة بدائـي=تنتخـي بأدغـال تلـك الجاهليـة
وأعزف الدانة قبل تصبـح فضائـي=يمكن الشيخة تخلـف لـك غبيـة
وإن تهجيت المهابـة فـي ردائـي=أسمـع بجهلـك حكايـا سرمديـة
للسقـم أعلنـت كينونـة دوائــي=أبنـة الشيطـان جـد المـارديـة
والمرايا ترجمـت عجمـة بهائـي=لين صاح الكـون عطـر الجاذبيـة
والصباح اللي نـده طفلـة مسائـي=رتـب القمـرا ليـالـي أبجـديـة
والسحاب اللي لمـح توبـة ندائـي=سولـف ليثـرب ورود الطايفـيـة
من رصيف الشمس لمصاهل حذائي=شف ضجيج الموت كم غنّى عليّـه
مـا ذبحـت الغـول لكنّـي فدائـي=التحف صمـت السيـوف الوائليـه
ما ملكـت الريـح لكنّـي هوائـي=مؤمن بْصاحب فـدى ذمـة خويّـه
ما قرأت العيـس بعيـون الروائـي=لين كل البعض يمطـر لـي تحيّـة
والشموخ الحـرّ يجعلنـي وقائـي=أحتوي (( ومض )) الطيور الساحلية
أعرف إن الجار هو عـزّة بقائـي=من مدى جبريـل لاجيـال الأذيّـة
واسأل السجدات عن هيبة دعائـي=وأنسج اللحظـة خيـوط ٍ أحمديّـة
ذا شتائـي دام تسليطـك شتـائـي=كلها (( غيمة )) وانبتـك بقضيـة
والسلامة جدّهـا السابـع عدائـي=أنتبـه مـن همـس ليلـة نابغيـة