تصدقي عشتـك وعـد صمـت ديجـور = بيـن الدقايـق والـوجـوه الوحيـشـه
يحيـن ميعـادك علـى شرفـة النـور = ويفـوت ليـن الوقـت صـكّ الدريشـه
يوم الشفق مـن لهفتـي يتقـن الـدور = عانـد سـواد الليـل شمـس الغبيشـه
مرّات احسّ انّي علـى الدمـع مجبـور = ومرّات احسّ انّه علـى الـراس ريشـه
يذبل قلم , ينبـت نـدم , تسـأم زهـور = والعقـل حتـى الآن مأسـور طيـشـه
مثل الولـه منثـور فـي فكـر منثـور = لين السهر سلّـط علـى العيـن جيشـه
وان فات بعض ادوار من مشهد " غرور" = من دور رجل(ن) عاش ضنك المعيشـه
مافات غير شعـور واحسـاس مسعـور = واللـي بقـى دخّـان وانفـاس شيشـه