[ماجد الزيد]

المشاركة الأصلية كتبت بواسطة منيع

من الارشيف امل ان تحوز على رضاكم

الجيب حتى لوفضا الجيب مابيع=ولوزادو الاثمان به مارخصنا
باغية لاذعذع هبوب المرابيع=ناردفياض اسهولها مانكصنا
انشدورى دحل القفار المصاليع=متوكلٍ باللي بلطفة خصصنا
ومزهبٍ من كل الاشيا تناويع=جاهز مجهز وللدوري فحصنا
مع رفقة اعيالٍ نشاما بواتيع=مافيهم اللي قال ضاعت فرصنا
يتلون صيد معصقلات الكراسيع=يازينهن وان ذيرن اوقحصنا
ويازينهن امورداتٍ كواريع=مذباحهم سهلٍ على من قنصنا
ماهي هواية بعض ناسٍ جرابيع=ماهمهم ياغير قولت حصصنا
مساهمات البنك والقرش تجميع=وياكم شقا مسكين يكدح مصصنا
على الربا عايش وغيره مجاويع=واشيا كثيرة عن ذكرها خرصنا
ومن يبقي الواطي بعيدٍ عن الريع=هذاعلى فرقاه وذمه نصصنا
ولاخيرفي دنيا بها الدين ترقيع=والاذناب فيها بالرذيله رقصنا
دنيا على العاقل تزيد المواجيع=وفي بحرها الطامي سبحنا وقصنا
أذعنت للرحمن وبالدين تشريع=وصلاتي على الهادي مامال قصنا

صح الله لسانك وجاد بنانك راقيه راقيه وقافن عسر مايقواه الا الفحول شرواك
صح لسانك حتى اخر حدود المجره