000غيّاب عادوا ,,, ليت ماعاد غيّـاب = كان اعتذرت من الهوى .. لايجونـي !!
" بلْ ران " في قلبي مثل : كف وخضـاب = أحباب ورْدونـي " عطـش " وصدرونـي
عادوا ,,, مثل : ريبة سهر ليل مرتـاب = ( كَاْدَ الْمُرِيْبُ أَنْ يَقُـوْلَـ/ اااااا خُذُوْنِـيْ )
نفس الظلام : اللّـي ورى دُرْفَـة البـاب = نفـس السنيـن : اللّـي بهـا غيّبونـي
نفس الوجوه " أحباب " لو ماحكى أحبـاب = تشبه : هموم , أوجاع , سلّـة طعونـي
غُرْبَة وطن تُشرق على موطـن أغـراب = من شُرْفَة " الصحوه " لـ" غفوة " جفوني
مع كُلْ : نبض غياب , وحساب , وعتاب = كانـوا مطاريـش السهـر يخطفـونـي
وجمر الدموع : اللّي شَعَلْ بين الأهـداب = زاده وهج نبضي " حطـب " واشعلونـي
الحكي بـرّأ ساحتـه , صمـت الألبـاب = بِـ/ رغم " إنّ الصمت حكمه " حكونـي
غابوا زمن ,, ياليت لو عـادوا أحقـاب = كان احبس أنفاس السهـر مـن جنونـي
وأقرا المشاعر " سرْب " في واحة كتـاب = حتـى آفـاق الكـون تنْثُـر شجـونـي
وان لاح في الآفاق نبضي مـن اسـراب = قلـت " الأماكـن " واهلهـا يذكرونـي
الموت : ماهو مـوت جانـي بالاسبـاب = المـوت : يـوم أذكـر حبايـب نسونـي
غريب : وسط أحباب , واصحاب , واقراب = الـدار داري ,,, والبـشـر حاربـونـي
مع الأسف غيّاب 00 لو عاد " غيّـاب " = 000 عادوا جسد , وبـ/ قلبهم غيّبونـي
هذا وأنا 000 من يوم نور القمر غـاب = أرعــــى نــجــوم الـلـيــل