شهر.. وثلاث أيام.. والبال منحاس
ومن شوفتك.. يا منية الروح محروم
متى تجي؟؟ يا مالكٍ كل الاحساس
جاوب.. وريّح خافق.. منك مهموم
ومن قلت لي.. فارقت من قولك الياس
بشرى رجوعك.. جددت فيني عزوم
انا.. وقلبي.. والمشاعر.. والانفاس
في شوق لك.. والود بالعين مرسوم
ولا من رجعت من السفر.. هب نسناس
احيا مشاعر سرها كان مكتوم
وقظ أماني مشغلٍ جفنها نعاس
وساق السحاب.. وهلّت غيوم وغيوم
وشكٍ يزور القلب.. ما عاد له ساس
من شفت صدق الحب لي صار محسوم
والحمد لله.. كاشف الهم والباس
جعل التلاقي بيننا دوم مقسوم
وتستاهل التقدير.. يا رافع الراس
ومعنى قصيدي.. واضحٍ لك ومفهوم