وسط الحطام
ومابين بقايا مبعترة
فتافيت إزاز متكسـّرة
كان ع الإزاز مرسوم صور
واتكسـّرت
وملامح القلب البرئ
اتغيـّرت
باقى نحل اللغز ده
نقرى الكلام
مكتوب على الوش اللى كان
مليان أمل
فرحان قوى
والفرح خلّى الحزن وَلىّ وانطلق
وسط الفرح ......
والحزن مطرود م القلوب
طلــــــقة رصـــــــــاص
والقلب مات
ملقاش خلاص
والموت رهيـــــب
إحساس غريــــــب
بالخوف ملك قلب اللى عايش يحضنه
عايش وميّت بالألم
حضن الأمومة كلها بيطمنه
هيعيش ملازم خطوته
والقلب متفتت قوى
والفرح متشتت قوى
والحزن مالينا قوى
واللغز قرَّب ينعرف
لما بدأتوا تدوروا
وسط الحطام
ومابين بقايا مبعترة