ترجم حنين الشوق ماحس بسطور=وقام يتذكّرعالـم ٍ طيّـب الـذات
عبدالعزيزالبازيامشعـل الـنـور=ياشيخ ذكرك بالمديـده فلامـات
ياماضعاف القـوم تحتاروتـدور=حتى تجيك وتخدمه حيل بسكـات
وجاهتك لاشك ياشيـخ لـه دور=تصلح مابين الناس وقت الخلافات
من قابلك قد حس ياشيخ بسـرور=فيك البشاشه بيّنه لـه علامـات
مؤلفاتـك شيخنـا علمهـا نـور=بحورتزخرفـي تفاسيـرالأيـات
ياكم خدمت العلم سنيـن ودهـور=تسهرويمكن أغلب الليل ماتبـات
على الفتاوي تخدم الناس بالدور=وعلى طريق الحق تحضـردلالات
فقيه بيّـن للبشـر كـل محـذور=عالم ومثلـك ماتوفيـه الأبيـات
ياشيخنـا ماجورماجورمـاجـور=مشهودلك بالصلح من ماضين فات
عسى الإله الفرد منـزّل الطـور=يسكّنك فـردوس كلّـه كرامـات
وعسى القبربالنورياشيخ مغمـور=من جنة العالي رفيع السمـاوات