[بارقةأمل]

المشاركة الأصلية كتبت بواسطة الطائر المهاجر

طيب خلي نصير منطقيين
حنا ناكل الجراد والجرابيع والضبان والبعارين
وش المشكلة إذا أكلوا ما اعتاد عليه آبائهم
وأجدادهم ، وبعدين مكتوب على الضفادع انها صناعة تايلنديه
كل نفس وما تشتهي ، لكن ترى أكلة الحية ، تماما مثل الكنعد
ما فيها عظام ..
وفي القصيم ياكلون المحيزر وباقي نجد يكرهونه
ولعله قريب من اكله عند المصريين
ثم المصاريه يشربون الحلبة زي أي عصير ، وفي نجد
ما تاكل الحلبة إلا النفاسيه
لولا اختلاف الأذواق لبارت السلع

عموما معلومات جيدة لتوضيح اختلاف أذواق الشعوب
شكرا لك
تحياتي الطيبة

ههههههههههههههههه أبو عبدالله وين وجه الشبه بين البعارين وبين الضبان وباقي الحشرات والقوارض اللي ياكلونها السعوديين
المحيزر هذا ماعرفته بس المصريين لهم أكلات رهيبة مثل المش والكل يعرف المش جبن يخلونه يخيس لين يدود ثم ياكلونه بدوده
والفسيخ عاد حدث ولا حرج هنا أكل مقرف من جميع النواحي المنظر والريحة
والحلبة مثل الثوم العالم تتركها بسبب الريحة على الرغم من فوائدهما العظيمة
ومافيه مجال للمقارنة
أنا أتكلم من منطق التقبل من نفوس البشر لهذه الأشياء ولا أتكلم فيها من نواحي دينية أو تعود
لأنه من ناحية التعود أنا ما أكل لا لحم بط ولا حمام ولاوز
لكن عادي آكل سمان بس شرط يكون من السوبر ماركت مو شايفته وهو بريشه وهو ينذبح
أحس أننا مجرمين
هو أكيد هناك أختلاف للأذواق بين الأشخاص والشعوب لأنه حتى هناك مو الكل يأكل هذه الأشياء
والبعض يتقرررف منها
وكل عام وأنتم بخير