صفحــتي :
دار الحوار فــ تمحور على نقطة البكاء والشتات وصولا لالتقاء المشتتين دون المتسبب !!
يمه
يمه
يا يمه اللي تركنا وراح في حاله !!=معقول يمه كذا ... معقول ينسانا ؟؟
معقول يمه علينا .. ماانشغل باله !!=معقول ماحس فينا .. أو بشكوانا ؟؟
يمه
يمه
صووووووووت !!
صدقيني يا دموعي ما جنيت!!= قلبي أبيض والوفا طبع الغيور!!
أدري إني لو تماديت وحكيت=ماكفى اللي بخاطري هذي السطور
ليتني خليت قلبي واكتفيت= ومارضيت بواقعٍ مرٍّ غرور
غرّني واقع معاصر مستميت=شيّب اللي عمره بعمر الزهور
ناس ماترحم تصيبك وإن عليت=وارتفعت وصرت بمحاذى الصقووووور
ناس تجرح وإن نستني مانسيت=جرحي النازف ذبحني من شهور
وابتسم كني رضيت وما رضيت=واكتم جروحي وكني في سرور!!
واعطي المحتاج منهم لوسليت=وارتجي الرحمه من الوالي الغفور
وإن طلبني واحد(ن) منهم عطيت= قالت أمي : أعطي .. وقطّه بحور
يمه أدري من عربكم مابغيت=بس ابسلم وابتعد من هالشرور
يوم يلبس (حلة الدين) ويهيت=ويكذب ويجني على قلبي ويخور
من خلقني أولى فيني وإن وِطِيت= بارتقي يومٍ من أيام الدهور
يمه
يمه
صدددددددى!!
ما على الواثق من الناس الهتيت=لو تمادوا بحكيهم غيب وحضور
في زمان(ن) ماستر مهمـا بليـت=والستر في هالزمن حفر القبـور
والقريب بجرح خلـه مستميـت=يستفيض بحدته نمـر النمـور
والشجر لو طاحت اوراقه حتيت=ماتمايل دام له اصـل وجـذور