السلاموووووووووووووووو عليكوووووووووومووووووووو
ازيكومووووووووووووو <<< تسيف الحال
عوندي سالفه ولا كول السوالف القديمه<<<<أبووك يالعربي
تراه طويل حبتين يعني من الحين اللي مو قاريه لايرد <<<< ليش احد بيرد عليك اصلاً
نووخوووش في الموضوع دغري ..بدال المقدمات وشغل التعريف بالنفس عند الولادة واني غمزت للممرضه مسوي داشر من الصغر ما يمشي عندي ، فسوف اخوووش في الموضوع بسرعة ..
ذات صباح من الصباحات الجميلة التي نعيشها في المملكة السعودية العربية عند الإشارة تكون الساعة 9 صباحاً ..
وكالعادة أنا منسدح على سريري ، وضع انبطاحي ، فنيله ام علاق تكشف أكثر مما تخفي ، وفاقن الخشه دلاله على دلاخه محدثكم
وأغط في نوم عميق
وكنت أحلم مثل أي شاب سعودي بالزواج والاقتران بفتاة الاحلام بدال المشي البطال الي ماله داعي
المهم وتوني داخل الأكشن في الحلم وأني أنحاش من أبو قتيبه >> سواق الهيئة بس الشهادة لله يطرد صح
إلا وتلفوني يرن
مافيش حاقه تيجي كدا اهدى حبيبي كدا وارقع زي زمااااان يابني اسمعني حدلعني تاخد عيني كماااان >> خذوك الجن ابوك ابو الي جابك
انا: هلا مرحبا كيف الحال في امان الله
هو: وشو هيييييييه
انا:وجع وش تبي ؟
هو: أف أف أف أف أف >> مصحوبة ببعض السعابيل
انا: اللهم طولك يا روح على هذا اللوح ؟
هو: أقول ما عرفتااااني ؟
انا: من مصلحتك ما أعرفك
هو: أنا صقيقك سلمان
أنا: الله يااخذك انت وراسك وش هالرقم الي داقن منه ؟
سلمان: ما دريتا .. غيرته لموبايلي 056 والباقي ما تغير
أنا: طيب بشر عن الاهل زين فمان الله >> ..
سلمان: وش فيك ياخي ..
أنا: ياخي داقن علي هالحزة وش تبي ؟
سلمان: ياخي فيه شي بأقولك عليه ؟
أنا: عساهم فصلوك من الجامعة
سلمان: لاااااااااااااااااا
أنا: خلاص خلاص شفت لهاتك ، قسمن بالله من يوم شفت هالجامعة قابلينك وأنا قايل على التعليم السلام ..
سلمان: ياخي اليوم كم في التاريخ
أنا: الله ياااخذك .. داقن علي علشان تقولي كم التاريخ
سلمان: علامك يا مولانا بس كنت بأقولك أن هاليوم يوافق مرور 15 سنة على تعرفنا
أنا: طيب وإذا ؟ <<< انواع التحطيم
سلمان: ياخي نبي نسوي ذكرى حلوه لهالمناسبة ؟
أنا: ياخي أنا أسمع عن يوم للأزواج يوم أمومه .. يوم مكافحة الحشيش أما يوم صداقة مااااش ما مرت علي
سلمان: ياخي كلش الا الصداقة تراه مثل الزواج بس فيه خيارات متاحة وخيارات ملغاة من الخدمة
أنا : تسيف يعني ؟
سلمان: يعني ما تقدر تشيش وتكمخ مع حرمتك كما أنك ما تقدر تكتشف سفاري معي
أنا : اخلص علي يا مال الوجع ؟! تبيني نحتفل في اليوم الي رضيتك لين عضيت الأرض ، قسم بالله الناس يتعرفون على بعض بخدمة شي .. أما ناس يطلعون أصحاب عقب هواش أول مره أشوفها !!!
سلمان: ولو هذا قدرنا في الحياة .. والصداقة قسمة ونصيب .. بس تصدق حبيتك يوم شفتك تدوس ببطني بأخلاص أحس أني مهم عندك
أنا: هاه يا مسلم وش تبي ..
سلمان: أبد قلت يا ولد بأعزمك بهالمناسبة على فطور يحبه قلبك في (فول وفول) إنما إيه .....
انا : أقول تعرف صوت القطار
سلمان : لا
انا : طيب اسمعه
طووط طووط >> صك السماعة ..
وارجع الى فراشي البالي <<<< بالي من يعني من كثر نوم مو اللي في بالكم يا سيئين التفكير
شوي واسمع صوت حرمه تصارخ ............؟؟؟
واقوووم على حين غرة(ن) <<<<< يافوووصحى انتا
طربق طرربق
طرببق
طرببق
طرربق
بووووم
<<<< هذا صوت ركضتي
واذا بي اشوف ام ابوي <<<< ويدلعونها جدتي
طاحت من السرير
ومجتمع حولها لفيف من الأهل والأصدقاء <<<< لفيف اللي يلف ابليسك
وطواااالي على المستشفى
وبعد مد وجزر قرر الدكتور ان امك انت يا ابوي جاها الرباط الصليبي ولازم عمليه
واجتمع ولد جدتي ويدلعونه ابوي مع اخوه ويدلعونه عمي
وقرقرو انهم يودون جدتي الى ألمانيا
وحجزنا على الخطوط الالمانيه
المووووهم
وانا جالس بالطياره بعد ما ودعونا اللفيف ما غيرهم من الاهل والاصدقاء
وجالس بالطياره وعيوني يمين ويسار ملاحق في هالمضيفات
وتعدينا الأجواء السعوديه
واذا بي اشوفهم يوزعون على جدتي شراب احمر وجدتي ما ترد احد وتشرب الكاس الاول والكاس الثاني
شوي واشوفها جاية(ن) عندي وفاتله شعرها وتترنح يمين ويسار وتجلس جمبي وتقولي انا بعشأك انا أنا كلي ليك انا
وترجع وتجلس مع ابوي وشوي وتقوله خشمك
وترجع لنا وتروح لأم اخوي ويدلعونها الوالده
وتقولها انا اصلا ما احبتس من يوم خذتس ولدي وانا ما أواطنتس <<< كل الفضايح طلعتها
وترجع لي وتقولي <<< سامحني يااااااابه
وحنا على هالحال واخيييرا وصلنا الى برلين
وألتفت على ولد جدتي اللي هو ابوي واقوله الحين بتنزلون هالسكرانه قدام العالم وتفضحنا <<<<< والله اني حكيم خاايف على سمعة الوطن <<< شدعوه شبابنا مقصرين بالسمعه لا عبين بوالديها
وجبنا لها اسعاف وشالتها بعد ما خذت ابرة منوم <<<< لحد يسئلني وين خذتها
وعلى هوسبتل حق برلين
بس وش اقوول لكم عن هوسبتلهم جووووونان
والممرضات <<<<
وبعد ان انسدحت جدتي بالهوسبتل وسوت العمليه قامت تناقز وتراكض بالأسياب والأرقام تنذب عليها من كل حته .
خذناها ورجعنا بحمد الله وسلامته
شكر وتقدير لكل من ساهم في خروج هذه الفضايح على وجه البسيطة
فتكو بعافيه <<<< وجدتي تصبحكم وتمسيكم بخير
تحياتي .........