[محمد الأحمري]

المشاركة الأصلية كتبت بواسطة عادل العتيبي

من قصائدي القديمة المتواضعه أرجوا ان تنال استحسانكم

اللة أكبر يازمانـي كيـف غيـرت النفـوس=صرت بنفوس البشر تقـدر تبيـع وتشتـري
تشتريهـا بالأراضـي والمبانـي والفلـوس=صار ميـدان الصداقـة بالبشـر متبعثـري
وانت يلي كل ما غنيـت سريـت الهجـوس=مادريـت ان الليالـي بعضهـا ماينـسـري
مادريت ان السهم ماينرمي مـن دون قـوس=ومادريـت ان الربابـة قوسهـا ماينـبـري
يوم عسيتك ولديـت النظـر يـم العسـوس=قالوا انك في المواقف ياولد عظمـك طـري
مايداوي الضرس الأقشر كود قلاع الضروس=أقلعة لــ/ أوجعك راسك لا تشـوف وتحتـري
والفتاة ألي تعـزوا جدهـا شيـخ المجـوس=بركـوا ألهـا الذلـول ولبسوهـا الغنـدري
والفتـاة ام العيـون الناعسـات العيطمـوس=شفتها من قبـل عـام وقـام حالـي ينهـري
لبسوها ثوب عرس وصارت الليلة عـروس=والعـذارى حولهـا يالبنـدري يالبـنـدري
ياوجودي وجد من راحت حياتة في الحبوس=فوق راسة في قصاصة صك جرمة ينقـري
صح من قال الهوى للنـاس تعليـم ودروس= قالوا انه في دروبه يمكن يجرّي جري

صح لساااااانك مليون ياغالي
وبيض الله وجهك
جمال وروائع هنا
وحروف تلامس الواقع
وننتظر منك هذا الجمال
دائماً ودوماً
تحياتي لكـ