تناوشني الاقدار مالي سـوى الطاعـه
ولا لي سوى اصبر لو على الهام تاطاني
احاول شموع الصبر تصمد ولو ساعـه
ولكن ريـاح الوقـت تنـوي بخذلانـي
ادور بليلي نجم يمكـن علـى اشعاعـه
الاقي سحـابٍ يغسـل امـرار تغشانـي
ولقيتك بقلبي تغرسـي روض مرباعـه
تبينه عبث يزهر بعد مـوت الاغصانـي
وتعبتي مثل فلاّح لـو يبسـت ذراعـه
بلا ياس يغرس خايفٍ غـدر الازمانـي
وجادت مخاييل الحيـا لنفـس جزّاعـه
سقت ما ظما وازهرعلى الحب وجدانـي
صح لسانك مشرفنا
لاهان راسك قصيدة راائعة
ترجمت جمال المعاني
سلمت وسلم شعرك
دمت بخير