لاغبت عني يابعد كل هالناس=احس في جوفي لهيب الحرايق
ولاغبت عني صابني كل وسواس= والعين تحزن والصدر دوم ضايق
وان جيتني يازين أو قلت لاباس=زدت بغلاتك واصبح الحب لايق
ادري بأنك ياجنوني قوي باس=لكن باحاول فيك لاصرت فايق
ولو قلت لي بعدين ياطيب الساس=باصبر عليك الين ألقاك رايق
من غيرك اللي لاحضر يكتم انفاس=ومن غيرك اللي يفتقد لو دقايق
من اخماص رجلينك الى قمة الراس=اموت واحيا فيك هذي الحقايق