[النهر الخالد]

المشاركة الأصلية كتبت بواسطة علي محمد العتيبي

مصافحه جديده ومتواضعه

اقبلوها كما هي

؛
؛

زمليني ياقصيده عن عيون الانتقاد = دثريني بالحروف اللي ينير سراجها
شاعرٍ نوخ ذلوله مالقى غير الشداد = والمطايا كل بكره شلّعت بانتاجها
ادري انك ياذلولي ماتبين الانقياد = والعوارف ماتسير الا على منهاجها
وادري انك ياذلولي تلعةٍ تنضح تستاد = ماتجيبك للمواجه لو تجفّ امواجها
والحياه احيان تصفو واكثر الواقع نكاد = وان تمادت بالمصايب صعب تلقى علاجها
مايعيش بهالزمن غير المترّس بالعتاد = والعتاد اقواه كلمة حقّ من هراجها
الجري يعيش لو هو مالقى فالوقت زاد = يدمغ الحجه بحجه صعب جد احراجها
يتبع اسلوب الكلام ابلغ وبعض الحكي حاد = والبلا فالبعض الاخر علّته بإخراجها
واللبيب اللي يثمّن كلمته منها استفاد = يوم بعض الهيم ودك لو تعود ادراجها
ما رقى للمجد سلّم من فتح باب الفساد = سلعةٍ مافاز فيها للأسف من راجها
اسمعيني ياذلولي وأجندة فكري سداد = من بنود العقل دايم يسفهلّ حجاجها
ننتظر حتى يجيك العلم في وقت الحصاد = ثم اشوفك تكسبين الساج ولاّ عاجها
بس لحظه اتّقيبك عن عيون الانتقاد = لين اشوف الحلقه اللي تستحق اخراجها

الاخ الشاعر القدير

علي محمد العتيبي

ابيات وش خليت فيها ما شاء الله عليك

حكمه ونصح وارشاد وكل شي فيه جمال

حتى الامثال جايبها

لله درك من شاعرٍ متمكن وجزل حتى النخاع

صح لسانك ولا هان راسك

اجدد اعجابي وبشده


تقبل تحياتي وتقديري لك