ليه الواحد كل ما يكبر يكبر شوقه لوالديه....؟؟؟

، يمكن من يكون فهم الدنيا صح وعرف أنهم اغلي كنوز الدنيا

لا ما أعتقد ..!!!، لان الناس ما هم سوى

يمكن خايف من اللي جاي من أولاده ،،، ماهو عارف إن السالفة سلف

ودين واللي سواه بيشوفة .،،، ولا هاذي ما أعتقد !!!،،،، وفيه ناس ما تخاف

طيب يمكن لا دخل البيت وتعب وقرفان عمرة وأم العيل طلبات ورح وتعال

ينحاش عند عجيزة او شايبة لا طلبات ولا هم يحزنون ... لا والله ما أعتقد ...!!

عن نفسي ....!!!!

اللي أعرف شي واحد كل ما دخلت البيت وين أمي على طول .. حتى أولادي

يضحكون علي لا دخلت أحيانا على طول يشرون لمكان أمي يقولون هناك وهم

يضحكون ،،،، مادري على من طالعين الله يصلحهم ..

وتخبرون الأم تاخذ مساحتها اااااايه يحق لها ،،، تبدأ في وشلونك ياولدي وتنتهي بكم

نصيحة تقول ثلاث طعش اربع طعش احيانا عشر طعش ...!!

مايهم اللي يهم أنها تجد مازال لها مكانتها في البيت وما زالت أم الجميع

اااايه حقها الشرعي وحنا علينا السمع والطاعة ... وياويل اللي ما يسمع الكلام

على طول تقول وين الجنة هذا مااااايبيها دوروني من الضحك ....

اشوفني انفلت بالسوالف والله مابقى الا اقول امي اسمها فلانه اذكروا الله يجماعه

الله يحفظها ويطول بعمرها ويختار لها الخير من عندة سبحانة ..