[هاجس نجد]

المشاركة الأصلية كتبت بواسطة سعود بن سعد الحافي

تنقض صواب القلب وانا أحسبنه طاب = جروح جديده مع جروح قديماتي
أجنب عن الاسباب وأطيح فالاسباب= تحايلني الاسباب وتضيع حيلاتي
أنا مستحيل أنساك يا بوثمان عذاب = ولو رحت عنك بعيد ياسرع جياتي
ولولا المحبه لا مدور ولا طلاب = ولا صار لي يم البلد ذاك جولاتي
أسرار حبي معك مكتوبة بكتاب = أصرح بها واسرار حبك خفياتي
أناجي خيالك وانت غايب مع الغياب = أشوفه بربع الثانيه عشر مراتي
والى جيت عندك راح ليلي سهر وعتاب = ولا قدرت أسجل غايتك في سجلاتي
عليكم سلام وشوق مع رايح السحاب = عليكم من الحافي سلام وتحياتي

الشاعر المييز / سعود سعد الحافي
ياسلام عليك يامبدع
صح لسانك وبيض الله وجهك
قصيدة رائعة من رائع
طبيت على الجرح ياسعود
قصيدة تحاكي واقع الكثير من العشاق والمغرمين
الجزل يستاهل من يقتبسه ومن ينسخه بعد
لا فض فوك وبيض الله وجهك
تقبل تحياتي واعجابي بما تكتب
أخــــوك
سعــد العبيــد
هاجس H نجـــــد