[الصمت الثائر]

المشاركة الأصلية كتبت بواسطة الطائر المهاجر

تشكي وانا اشكي من جروح الليالي= تبكي وانا ابكي من صواديف الاقدار
ان كان تبكي فقْـد حبٍ وغـالي = قبلك فقـدت احباب من عز الاخيار
هـذا ولـد عمي وذا ولد خـالي = وهذا صديق وذا زميـلٍ وذا جـار
واقسى الفـراق اللي يهزّ الجبالي = لا من تفرّق حب عن حب باجبار
يبقـى خيـاله يتبعه كالظـلالي = ما يقدر النسيان لـو كان جبّار
ليه يـا زمن حكمك علينا ضلالي= حوّلت سعدي وسعدها حزن وامرار
واضعفتني من بعـد قوّ احتمـالي = ومن عقب ماني رابط الجاش صبّار
غديت هشّ القـلب مما جرى لي= ما اقدر على الصدمات لو كانت صْغار
لا من تذكّـرت السنـين الخوالي = طيرين بجْناح الهوى دوم سمّار
واليـوم راحت ما بقى إلا الخيالي= وراحت معاها امال واحلامٍ كبار
واصبحت كنّي من رقى فوق عالي= وفي لحظة زلت به الرجل وانهار
ويومه تفكّر واثره بقـاع خـالي = ما حـوله إلا الجرح في القلب تذكار
ان جـرّ صوته قال واعزتا لي = بين الرجا والياس ماشي بالاخطار
مكتوب يا قلبي عليك الـوبالي= مكتوب اعيش بليل مايعرف اقمار
يا صعب تعويضه على كل حالي = ما ظنتي في البيض مثله ولا صار
الزين له وحده وطيب الخصالي= كامل مكمّل من مناعيرٍ احرار
وقف الزمن ضدي ولا رحم حالي = باسباب من لايفتهم حب الاطهار
الحب ما يعرف حـدود المحالي = بركان يتفجر بلحظه بلا انذار
وش ذنب حبّي ينحرم من دلالي = وش ذنب قلبي يصطلي لاهب النار
يالله ولا غيرك عليه اتكالي = تجمع قلوب تشتكي ضيم الاقدار

الاستاذ الكبير والشاعر القدير / ابو عبدالله

لله درك من شاعر

تسكب النور بظلام الورق

ليشرق سبعين عاما منك

فلله درك

أخي

صح قلبك وفكرك

تقبل فائق التحيات...وجل الإحترام والتقدير