يالله إني طلبتك يا عليم بحالي عالم الخافيات=يا عظيم الرجاء يا من له اللي دعوا بقلوبهم حاشدين
تنصر الدين واهل الدين واجعل لهم من رحمتك مكرمات =واهزم الشرك واهل الشرك وابطل عملهم حيثهم مفسدين
بعد ذا يامقيت أسمع من أبيات شعري وانقد القافيات=إن لقيت الخلل ياشيخ في نظم قافي رجعه لليدين
ما كتبت القصيد أبغى أتغزل واغني في عيون البنات=السبب في كتاباتي قصيدي ظروف القدس والرافدين
الغزل يازميلي فات وقته وكل اللي مضى فيه فات=حان وقت الجهاد وحان وقت يبينا كلنا صامدين
من يناظر بفكره في ظروف العرب ما همه الباقيات=يعرف إن اليهود بفعلهم ياعرب لسلامنا حاقدين
يا مقيت المعاني جات تركض لشخصك يافتى مسرعات=ودي أسند قصيدى لك عسى الله يجعلنا من المهتدين
وأنت مثلك حروفه يا سنادي نهار الملحمة بارزات=لك مواقف تشرف تنبعث من صميم أفكار عقل ودين
أصبح القدس تحت الهيمنة والخيانة من خباث الصفات=والعرب غافلين عن مغازي عداهم والعرب راقدين
هيه يامسلمين الوضع مبكي وحنا في عميق السبات=ودنا ودنا والود ما رد ما قاموا به الحاسدين
هيه يا كل شاعر هات من زين قافك صافي الشعر هات=وامدح أهل العقيدة واشتم اللي على لسلام متمردين
كان ما تنظم أشعارك لنصرة محمد كل شعرك شتات=حاول إنك تناصر سيد خلقه بدحر الثلة المعتدين
ظلم لنذال يا خي والتجبر لك الله يزعج الكائنات=والتهاون من أهل الدين هذا يقوي شوكة الكايدين
طالبك يا عظيم الشأن يا منزل الفرقان والذاريات=ترحم أحوالنا واجعل عملنا بهدي المصطفى مقتدين
خايف من عقابك راجي في ثوابك يا جزيل الهبات=وانصر الدين واقبل دعوة اللي من أجلك رٌكعٍ ساجدين

وسلامتكم