[هاجس نجد]

المشاركة الأصلية كتبت بواسطة علي محمد العتيبي

مصافحه جديده ومتواضعه

اقبلوها كما هي

؛
؛

عسعس الليلُ على فانوس دره = واختلط صمت الشوارع بالشوايب
دغدغ النور الظلام وشاع سره = يحتضن برد الشتاء دفء اللهايب
ياهجوسي بؤبؤ العين يتشره = للضمير المستتر تقدير غايب
بيّح المكنون قل لله دره = والله اني ماهقيت الحظ جايب
لي حبيبً قد أمنتُ مكر شره = والحقيقه قد يأست القاه سايب
لو يبا يمشى على درب المجره = يستضئ الكون من صفر الذوايب
ادري انّه ماوراه الاّ المضره = شوف رأسي كيف صار اليوم شايب
ساقني سوق الجمل في حين غره = لين شفت الصبر من تحت النصايب
واكتشفت ان الهوى حاليه مره = مرّةٍ حسّت عطيبين الضرايب
حاك خيطٌ في سبيل الوصلِ مره = فاستهام القلبُ سهم الحبِ صايب
يمكن اني لو نسيت الثوب ازره = طار قلبي صافح كفوف السحايب
الخطر عسّ المطر في عين ذره = جفّ سيلٌ يحمل انفاس الحبايب
اختفا فجاءه واعيد البحث كرّه = بعد كرّه فص ملح بنهر ذايب
مجلس النواب لو قالوا مقرّه = يحسب اني مجلس النواب نايب
قال كيف الحال جعلك في مسره = قلت حمدلله بخير وجرح طايب
بس عاد ارتحت واشعر مستقره = حالتي حتى الهنا من رحت آيب
ياسرابٍ يلفح الظميان حره = ليش تصفع خدّ مامون الركايب
قال تدري وانت لي فالعين قره = ماألفت الرعب في عين القرايب
مدّ حبل الودّ يبغاني اجرّه = قلت عفواً عن ذنوب الحب تايب
اقبل الصبح وتنفس فوق درّه = وانكشف ستر الشوارع بالعجايب

الشــاعـــر الغـــالـي والأخ العــزيــز
(( عـلــي محـمــد الـعـتـيـبـي ))

صح لسانك وعلا شأنك

تصوير وأبداع غزير المعانى ومترابط القافيه والموضوع

موضوع مميز في طرحه وأسلوبه وممتع في قراءته

والله أنك شاعر مثبت وجودك ماتحتاج شهادة من أحد

مهما قلنا عنك لن نوفيك ما تستحقه من الإشادة والثناء

الله يسلمك ويرعاك

تــحيــاتــي وتـقـديـري

أخــــوك
سعـــد بن عبــد الله العبيــد
هاجس
H
نجـــــد