[هاجس نجد]

المشاركة الأصلية كتبت بواسطة ابومياس

لصاحبة الصورة بدون مقدمات

هلا من هلا بالقلب ماله عدد واحدود= هلا كل ماشوفك هلا يابعد هالناس
تلاقي النظر في طلتك دايم مشدود = ويرتاح قلبٍ ضيقة كثرة الهوجاس
تعالي الى قلبي ولايهمك الموجود = تعالي عسى ربي يحفظك من الخناس
دلالك ذبحني والدلع محليٍ بك زود= كما النور لامن شع من ساطع الالماس
وضحكك يبشرني بوقتٍ سهود امهود= مزحك يسليني بوقتٍ قليل اوناس
شوفي اقول لك شي ياغاية المنشود= احبك احبك حيل ماله عدد واقياس
ابا اعيش كلي لك وجودي لكم بيجود= وابا اهديك عمري لو بغيتي ترى لاباس
انا درعك الحامي اذا كشرت هالسود= وانا لك ذرى لاهب بردٍ من النسناس
الى الحين ماتدرين يابسمة الموعود= يا انقى من المزنة وابيض من القرطاس
تعرفين من اقصد تراه انتي المقصود= انا اقصد حياتي بنتي الغالية ( مياس )

مع التحية للجميع

صح لسانك أبو مياس
الله يخليهم لك
يتربون في عزك وفي ضلك إنشاء الله
عساها تقر بهم عينك وأمهم
ماشاء الله ورد ربنا يحفظهم لك
بس ياليت تحط صورة مياس في توقيعك
علا شأنه يشبهك وأنت صغير أكيد
تقبل ودي وتقديري
أخـــــوك
سعــــد